skuldavandi heimila

Mér finnst ótrúleg umræðan um skuldavanda heimilanna.   Bankinn lánaði þér 10.000.000 vegna húsnæðis en á  næstu 2 árum hækkaði þetta lán í 12.000.000!  Þetta er rán, ekkert annað!  

Skuldavandi heimilanna er annars bara tölur á pappírum, skuldir sem aldrei voru til, því tölurnar voru allt aðrar þegar lánin voru tekin, þessar tölur þarf að leiðrétta og ef einhver lífeyrissjóður ætlar sér að rífa kjaft yfir tölum á blaði eru þeir ekkert annað en mafíósar að ræna íslenskan almenning.   Þegar neyðarlögin voru sett á eftir hrun átti að taka verðtrygginguna úr sambandi í 2 ár en það var ekki gert...og þeir sem áttu peninga fengu allt bætt upp í topp, en skuldarar sátu eftir með sárt ennið, því það lenti allt á þeim.  Það verður að leiðrétta ef friður á að ríkja í þessu samfélagi.  

 

 

kosningar

Jæja þá er nánast öruggt að kosningarnar verði ekki slegnar af sínum samstöðu öll sem eitt og seigjum NEI á laugardaginn 6 mars......................

loksins

Loksins eru norðurlöndin að vakna af dvalanum og koma skuldumvafinni þjóð til bjargar hefði mátt vera fyrr og ekki átt að spyrða þetta saman við Icesave.

Segir norska lánið til reiðu

ný mynt

Eins og allir vita er búið að sækja um aðild að Evrópusambandinu.  Stjórnvöld vonast til að ef samningar við Evrópusambandið takist muni þjóðin samþykkja inngöngu og við gætum tekið upp evru sem mynt... En við gætum samt ekki  tekið upp evru fyrr en eftir 20 til 30 ár vegna þess að við verðum að uppfylla ákveðin skilyrði fyrir upptöku evru.   M.a. skilyrði að við verðum að vera nánast skuldlaus,  held að það taki svolítið langan tíma..... jæja, nóg um það. 

Ég held að við ættum frekar að taka  upp ameríska dollarinn hann getum við fengið strax og við þyrftum ekki að vera skuldlaus en stjórnvöld mega sennilega ekki heyra á það minnst, þau gætu móðgað Evrópusambandið... En þá yrðu þau reyndar líka að sýna raunverulegt aðhald í ríkisrekstrinum,  engar frammúrkeyrslur í stofnunum, gætu ekki prentað peninga til að rýra kjör almennings, yrðu að afnema verðtryggingu, lækka vexti miðað við það sem þeir eru í dollarum og þar ofaná halda matvælaverði í skefjum!

Úff,  það yrði örugglega of dýru verði keypt fyrir stjórnvöld,  þar ofan á væri ekki lengur nauðsynlegt að fara í Evrópusambandið því að við værum komin með stöðugan gjaldmiðil og það vilja stjórnvöld örugglega ekki...

Icesave samningurinn

Jæja nú er ÍSLAND, landið mitt að komast í verstu kröggur síðan  við vorum undirokuð af dönum.  Við erum að taka erlend lán í massavís, lán frá norðurlöndunum, Rússlandi, Póllandi og alþjóðagjaldeyrissjóðnum og svo bætist isave ofaná alltsaman.  Hvernig getum við greitt af öllum þessum lánum?  Verðum við búin að borga öll þessi lán til baka þegar við förum að borga isave til baka?  Ég held ekki, ekki nema kraftaverk komi til. Ég held að eina lausnin sé  landflótti,  nema að olía finnist í miklum mæli á drekanum, eða  kannski að Evrópusambandsaðild sé lausnin ? Kannski ætti ég að setja stærra spurningarmerki við það, ég held að ef allt fer á besta veg verðum við skuldlaus eftir 50ár en ef allt fer á versta veg 150ár....  Kannski er ég of svartsýnn  en hvernig fer ef við höfnum þessum skuldbindingum, hætta evrópuþjóðir að versla við okkur? Var ekki hótað hérna rétt eftir hrunið að við fengjum ekki olíu eða matvæli ?  Það væri nú lögulegt ef við gætum ekki veitt fiskinn í sjónum vegna olíuskorts eða bændur gætu ekki heyjað túnin sín eða við fengjum ekki bensín á einkabílinn.  Ég er nú hræddur að þá muni nú hvína í einhverjum og ef við fengjum nú eingin matvæli erlendis frá ofaná það ástand sem mundi skapast við þessar aðstæður að ekki sé minnst á það að það litla sem eftir væri af "mannorði" Íslands færi í vaskinn,  þá held ég að það sé betra að semja um þessar skuldir þó að það sé súrt og ég sé langt frá því að vera ánægður með þennan Icesave samning..

icesave!

Eigum við almenningur að borga það sem upp á vantar?   Hver verður endalega upphæðin með þessum okurvöxtum, eru vextir ekki um 1 prósent í Bretlandi?  Af hverju njótum við ekki þeirra kjara?  Líta Bretar kannski kannski ennþá á okkur sem hryðjuverkamenn og af hverju þurfum við yfirhöfuð að vera að semja um þessar skuldir sem við stofnuðum ekki til ?....... grrr

Engin Icesave-greiðsla í 7 ár

Heimsókn trúarleiðtoga

Það er trúarleiðtogi í heimsókn og Kínverjar vitlausir eins og venjulega, það virðist enginn mega hitta þennan merka mann án þess að Kínverjar hóti viðskiptaþvingunum eða stjórnmálaslitum. Hvað hefur svona stór þjóð eins og Kína að óttast þó að trúarleiðtogi frá smáríki eins og Tíbet heimsæki þjóðarleiðtoga á vesturlöndum?   Halda þeir að það verði farið í stríð við þá ef hann hittir nógu marga þjóðarleiðtoga?  Varla, það væri víst búið að því ef vesturlönd hefðu einhvern raunverulegan áhuga á því að frelsa Tíbet úr höndum Kínverja, svo er gesturinn andlegur leiðtogi en ekki pólitískur. Þess vegna skil ég ekki öll þessi læti vegna eins manns!  Mér finnst að ríkisstjórn Íslands ætti að sjá sóma sinn í því að funda með þessum mikla trúarleiðtoga og gefa þessari ómerkilegu Kínastjórn  sem ræðst á önnur ríki og leggur undir sig og kúgar til hlýðni langt nef.  Kínverjar verða vitlausir hvort eð er, við ættum að þekkja það íslendingar að vera kúgaðir og undirokaðir af öðrum þjóðum,  svo mér finnst að stjórnvöld ættu að skammast sín í þessu máli.

Tilgangslausar hækkanir....

Vonandi komið vel undan helginni þrátt fyrir jarðskjálfta og aðra óáran sem dynja á okkur Íslendingum þessa dagana en nóg um það.... mig langar að segja nokkur orð um síðustu hækkanir á eldsneyti, tóbaki og áfengi sem dundu yfir okkur fyrir síðustu helgi, til hvers voru þessar hækkanir eiginlega?  Ég hélt í einfeldni minni að þetta væri til að styrkja stöðu ríkissjóðs en annað kemur á daginn, þetta er til að styrkja stöðu fjármagnseigenda og lífeyrissjóða en þessir fjórir og hálfur milljarður sem renna í ríkiskassann étast upp vegna verðtryggðra útlána ríkissjóðs sem hækka um þessa sömu tölu og nefnd er hér að ofan!  Það er svo fyrir utan átta milljarða taps heimilanna.... Ofan á þetta bætist tap fyrirtækja þannig að ríkið græðir ekkert á þessu annað en óánægða neytendur, káta fjármagnseigendur og hækkandi húsnæðisskuldir en kannski var það ætlunin?

Gáfulegar þingumræður....

"Hættustig 4" er textinn sem kemur upp í huga mínum  þegar ég heyri hvað sagt er á þingi þessa dagana, en þar er rætt um erfðarbreytt bygg og  þingflokksherbergi framsóknar og eitthvað álíka gáfulegt.  Ég segi "ríkisstjórn vaknið og hlustið á fólkið, heimilin og fyrirtækin, þau brenna á skuldabáli!"   Við erum að reyna að ná sambandi við ríkisstjórnina en það er eitthvað sambandsleysi á línunni eða er enginn til að svara á hinum endanum?  Hvenær kemur að hættustigi fimm eða uppreisn í landinu?   Ég ætla að vona að þetta gangi ekki svo langt en ríkisstjórnin verður að taka sig saman í andlitinu og fara að hlusta! Ég veit að þetta er erfitt fyrir ríkissjóð en það þarf hörku og kjark ef ekki á illa að fara fyrir okkar litlu þjóð og aðgerðir strax!

Sumarþingið

Jæja nú skal tekið á því,  þingið kemur saman á morgun, gaman verður að sjá þingmálin sem sett verða fram næstu daga. Skildi verða þar aðgerðarpakki til bjargar heimilunum,  en ó, þeir eru búnir að setja það fram svokallaðan "ítarlegan aðgerðarpakka" og leiðbeiningar um það hvernig heimilin muni komast í gegnum kreppuna og komast helst hjá gjaldþroti... sem ekkert gagn hefur verið í hingað til,  hvenær í lýðveldissögunni hefur ríkisvaldið komið hlaupandi með peninga handa einstaklingum til að borga fyrir þá hluta skulda eða að öllu leiti? Aldrei og verður ekki núna heldur.....Það er er hin nöturlega staðreynd sem heimilin standa frammi fyrir enda væru þeir að brjóta jafnræðisreglu stjórnaskráarinnar með því.  En um aðgerðarpakkann fyrir fyrirtækin, ekki eru öll kurl komin til grafar þar, enda flóknara mál og mikil hætta á að jafnræðisreglan verði að einhverju leiti brotin þar.  

En ætli það fari ekki mest fyrir Evrópumálum á þinginu,  hugsa að það taki mestan hluta af þingtímanum illu heilli, kannski væri betra að nota þingtímann til að skera niður ríkisútgjöldin og kaupið sem er alltof hátt um þessar mundir (eða því halda atvinnurekendur allavega fram...) það eru jú enn einhver heimili í landinu sem komast af ..... og auðvitað er allt ríkisstjórn JÓHÖNNU og Steingríms að kenna er það ekki ?  Jú, þeim hefur allavega tekist að hnoða saman ríkisstjórn en það er ömurlegt að hlusta á áróðursmeistara sjálfstæðisflokksins þessa dagana, ríkisstjórnin varla orðin til og þeir eru búnir að finna henni allt til foráttu!