Páskar og sjálfstæðisflokkurinn.. hressileg blanda?

Gleðilega páska.   Endilega gera athugasemdir við þessi skrif mín ef þið viljið... það er ekki bannað. Þið vitið náttúrulega ekkert um  mig nema að ég styðji ekki Sjálfstæðisflokkinn  í þessum kosningum eins og skrif mín gefa til kynna.  Ég hef því miður stutt þennan flokk en hef séð villu míns vegar, og ætla mér ekki að styðja þennan flokk meir, þessi flokkur er fullur af valdagræðgi og stundar m.a. sandkassaleik og málþóf á þingi, hefur tekið við tugmiljóna ofurstyrkjum af fyrirtækjum og ef farið væri að kafa dýpra í þau mál kæmi mér ekki á óvart þó fleira óhreint ætti eftir að koma uppúr kafinu. Kannski má gagnrýna fleiri fyrir málþóf og sandkassaleik á hinu háa Alþingi okkar íslendinga, en mér finnst keyra um  þverbak þegar þegar Sjálfstæðisflokkurinn stendur einn flokka á móti stjórnarskrármálinu, ég held að það verði honum ekki til framdráttar í kosningunum.  Það mætti halda að það væri verið að taka frá honum eitthvað vald, eða að stjórnlagaþingið yrði honum æðra.  Maður gæti haldið það af málflutningi þeirra á þingi,  að það að færa auðlindir þjóðarinnar aftur í þjóðareign sé of gott fyrir kvótakónga og fleiri auðhringi sem styðja þennan flokk með ráðum og dáð, að ógleymdum tugmiljónaframlögum og eins og mér finnst af umræðunni um bankahrunið þá réðu Sjálfstæðismenn ekki marga til að rannsaka það hrun, það var  kannski of viðkvæmt mál fyrir flokkinn, hver veit...